عزيزتى علشان تقدرى تعملى بيتزا لازم تعرفى أن فى أكثر من طريقة لعمل العجينة و كلها بتدى طعم مختلف هنا تشوفى أزاى تعملى عجينة البيتزا الأساسية .. أحضرى المقادير التالية
كوب ماء دافئ - ملعقة كبيرة سكر سنترفيش - 3 كوب دقيق - ملعقة كبيرة خميرة جافة أو قطعة خميرة جافة أو قطعة خميرة بيرة طازجة فى حجم عين الجمل - ربع كوب زيت نقى " زيت ذرة أو زيتون "
الطريقــــــــة
1 - أول شئ تعمليه .. أنك تسيلى الخميرة الجافة أو الطازجة .. تسليها أزاى .. حطى على الخميرة السكر و قلبيها بالملعقة لغاية ما تسيل و بعدين ضيفى لها مقدار من الماء الدافئ و أتركيها فى مكان دافئ لمدة خمس دقائق .. و لما الخميرة تختمر تعرفيها أزاى لما تشوفى فقاقيع بتظهر على سطح الخميرة .
2 - أحضرى إناء عميق و حطى فيه الدقيق ربع كوب و ضيفى الملح و أعملى حفرة فى الوسط و صبى فيها الخميرة التى جهزتيها سابقاً و قلبى لحد مايتحد الدقيق بالسوائل و تبدأ العجينة فى التماسك .
3 - خذى العجينة و حطيها على سطح ناعم مرشوش بالدقيق و تلت برفق و أدهنى يديك بالدقيق ثم أضغطى على العجينة بأسفل بباطن اليدين ثم أرفعيها للأمام ثم أثنيها على بعضها مرة أخرى .. ثم دوريها ربع دورة و كررى العملية مرة أخرى ...كل ده هايستغرق منك حوالى خمس دقائق حتى تحصلى على عجينة ناعمة مرنة من 10 - 15 دقيقة
ملحوظة هامة .. لازم تتركى العجينة لمدة ساعة قبل الأستعمال .. بعد ذلك أختبريها هل مازالت لزجة ضيفى لها قليل من الدقيق المتبقى من ربع الكوب و أستمرى فى الدوران .. أما أذا كانت العجينة جافة مفتتة ضيفى لها ملعقة كبيرة من الماء الدافئ و أستمرى فى الدوران حتى تحصلى على عجينة ناعمة غير لزجة لامعة تصلح للأستعمال .